01 октября 2011 г.
Нăрваш Шăхалĕнчи вăтам шкулта Т. Михайлова учительница ертсе пынипе сăвă вулама юратакансен “Янравлă сăмах” конкурс иртнĕ. Илемлĕ вулав тупăшăвне вырăссен паллă поэт-юбилярсене – Б. Ахмадуллинăна, М. Цветаевăна, Н. Некрасова халалланă.
Жюри членĕсем хăш-пĕр ачасен чăнласах та пысăк туйăм вăратакан пултарулăхне пысăк хак панă. 4 класри А. Михайлова, 7 класри М. Григорьева, 10 класри А. Калькин районти конкурса хутшăнма тивĕçнĕ. Талантлă сцена ăстисенчен Александр Калькин пушшех хăйĕн пултарулăхĕпе тĕлĕнтернĕ. Вăл М. Цветаева сăввине çеç мар, хăй çырнине те артист евĕр ăста вуланă. Çамрăк автора творчество каçалăкĕнче çитĕнÿ тума ăнăçу суннă.