08 октября 2011 г.
Çулталăк пуçланнăранпа халăха ĕçпе тивĕçтерекен центр районти 11 организаци-учрежденипе çул çитмен ачасене ĕçпе тивĕçтерес пирки килĕшÿ тунă. Унпа килĕшÿллĕн 14-18 çулсенчи 446 ача вĕренÿрен ирĕклĕ вăхăтра ĕçсене вырнаçнă. Çак пĕчĕк мар ушкăнри пысăк пайĕ – 93-шĕ – нумай ачаллă, иккĕшĕ тулли мар, 111-шĕ сахал тупăшлă çемьесенчен.
Çул çитмен ачасенчен йĕркеленĕ бригадăсем хăйсене юрăхлă ĕçсенче тăрăшнă: ялсене тирпей-илем кĕртнĕ, шкул территорине йывăç лартнă, палăк йĕри-таврашне йĕркене кĕртнĕ, ветерансемпе тыл паттăрĕсене пулăшнă тата ытти те.
Ĕçне кура ачасене шалу та тÿлеççĕ. Вăл 850-1275 тенкĕ. Çулталăк пуçланнăранпа вĕсене çак тĕллевпе 263377 тенкĕ укçа панă.