08 октября 2011 г.
“Ветерансем çинчен” федераллă саккунпа килĕшÿллĕн, патшалăх вăрçă участникĕсемпе инвалидсене, салтак арăмĕсене пурăнмалли çурт-йĕр условийĕсене лайăхлатас тĕллевпе пысăк пулăшу парать. Çак социаллă программа пирĕн районта та ăнăçлă пурнăçланса пырать. Сăмахран, Çĕньял ял поселенийĕнче çакнашкал пулăшăва В. Семенова, Е. Акимова, Е. Ильина, Т. Анисимова, М. Ильина тивĕçнĕ. Иртнĕ эрнере çеç В. Елимов вăрçă ветеранĕн хуçалăхĕнче пурăнмалли условисене лайăхлатас тĕллевпе çурт никĕсне янă, ăна кирпĕчпе купалама пикеннĕ. Хăтлă та капăр çурта хăпартаканĕсем – “Стройкомфорт” строительство фирмин ăстисем. Çывăх вăхăтрах вĕсем ветерана çĕнĕ çуртăн çăра уççине алла тыттарĕç.