08 октября 2011 г.
Çутçанталăкăн ытти тапхăрĕсемпе танлаштарсан кĕркунне чăн малтанах хăйĕн пуянлă-хĕпе уйрăлса тăрать. Ахальтен мар ĕнтĕ ăна “мăнтăр” ят панă.
Çак кунсенче районти тĕп библиотекăра кĕркуннехи пахча çимĕçрен хатĕрленĕ тĕлĕнтермĕшсен куравне хатĕрленĕ. Кĕнеке тусĕсене фойере илемлĕн вырнаçтарнă çĕрулми – чĕрĕпе, кинемей – кавăна, пысăк хăяртан хатĕрленĕ сысна çурине, пике-кăмпасене, тутлă пăрăçран эрешленĕ шăрçана тата ытти те пăхма питех те кăмăллă. Хăйне евĕр ырă шăршă кăларакан хăмла, иçĕм çырли те хамăр тăрăхрах ÿссе çитĕннĕ. Ылтăн тĕслĕ çулçăсем хушшинче вĕсем тĕлĕнтермĕш çырласем пекех туйăнаççĕ.