Публикации » «Пыл тĕнчи» пуçтарнă аслă пухăва

15 октября 2011 г.

Юпа уйăхĕн 6-11-мĕшĕсенче Ярославль хулинче Пĕтĕм тĕнчери хурт-хăмăр ăстисен “Пыл тĕнчи” аслă пухăвĕ иртнĕ. Унта хамăр çĕр-шывран çеç мар, чикĕ леш енчен те имлĕ-симлĕ çимĕç ăстисем йышлăн хутшăннă. Аслă Пухăва Юхмапа Пăла тăрăхĕнчен хăйсен кăмăлĕпе икĕ хастар кайнă. Пыл тĕнчи вăрттăнлăхĕсем пирки ыттисемпе хутшăнса калаçма Турханта пурăнакан И. Кошкинпа Н. Пирожковăн опычĕсем çителĕклĕ. Хĕрĕх çул ытла вĕсем ку тĕлĕшпе хăйсен ăсталăхне пуянлатаççĕ. Çавăнпах ĕнтĕ утарçăсем ку тĕлĕшпе самайранпа пуçтарăннă ĕç опытне ыттисемпе пайлама, хăнасен çĕнĕлĕхне ăша хывма хирĕç пулман. Халĕ вара вĕсем хăйсем мĕн çĕннине вĕреннине ытти утарçăсемпе пайлама хатĕр. Районта паян вĕсем çителĕклех: пыл тĕнчин ытамĕнче – 600 утарçă!