Публикации » Хуйхă-суйхă систермесĕр çÿрет...

23 ноября 2011 г.

НАЦИСЕН пĕрлештернĕ организацийĕн Генеральный Ассамблейин Резолюцийĕпе килĕшÿллĕн, çулсеренех юпа уйăхĕн виççĕмĕш вырсарникунне çул çинче пулнă инкексенче вилнисене асăнмалли кун тесе йышăннă. Кăçал ăна пирĕн çĕр шывра улттăмĕш хут паллă турĕç. Пĕлсе тăрса е ăнланмасăр, ăнсăртран, кĕтмен çĕртен сиксе тухнă пăтăрмахсенче çĕршер çыннăн пурнăçĕ сасартăк татăлать. Чăваш Енте ку таранччен 1450 авари пулнă. Вĕсенче вара 211 çыннăн шăпи синкерлĕ çаврăнса тухнă. Юхмапа Пăла тăрăхĕ те ку тĕлĕшпе çылăхсăр мар. ГИБДД сотрудникĕсен çак сăлтавпа хĕрĕх хутчен вăрăм протокол çырма тивнĕ. Шел пулин те, сисчевсĕр инкек çичĕ çемьене пысăк хуйхă илсе килнĕ.