Публикации » Ăнсăртран шуса аннă юр ан кăтарттăр никама та хур

03 декабря 2011 г.

ÇУТ ÇАНТАЛĂКĂН кашни вăхăчĕ хăйне евĕр капăр. Сăмахран, шурă кашмаллă хĕл пĕркенчĕк айĕнчи хĕр пек таса. Ахах-мерченĕн курăнакан пĕрчĕсем хĕвеллĕ кун та куçа йăмăхтараççĕ. Анчах тепĕр чухне çак хитрелĕх кăмăла хуçма пултарать. Уйрăмах лапка-лапка çунă кăпăшка юр çурт тăрри çине хулăм пуçтарăнса кайсан. Хĕвелĕ ытларах хĕртсенех вăл çуркуннехи пăр евĕр тапранать, катăла-катăла ÿкет. Пысăк çуртсем хĕррипе иртсе çÿреме те хăрушă. Çавăнпа та çакăншăн яваплă организацисен, çынсен хăйсен те ăнсăртран кĕмсĕрт йăтăнса анакан инкекрен асăрханмалла. Унсăрăн тем курса тăрăн.