Публикации » Таксистсем çĕнĕлĕхе пĕлеççĕ, анчах кивĕллех хăвалаççĕ

17 декабря 2011 г.

ХĂНĂХНĂ йĕркене пăрахăçласа çĕнĕлĕхе пурнăçа кĕртесси яланах йывăр. Виçĕ уйăх каялла такси çинчен калакан федераллă саккун вăя кĕнине ялти ватă Кĕтерук аппа пĕлмесен те Патăрьелĕнчи автостанци умĕнче кĕпĕрленсе тăракан бомбилăсем ăна çамки çинех картса хунă-тăр... Анчах вĕсенчен чылайăшĕ паян та укçа хыççăн хăваласа ĕлĕкхиллех педаль çине вăйлăран та вăйлă пусать. Саккуна хисеплесе йĕркене пăхăнмалли пирки асра та çук. Унпа килĕшÿллĕн чăн малтанах пассажирсен çул çÿревĕшĕн яваплă çын лицензи илмелле. Вăл та çителĕксĕр, салона счетчик вырнаçтармалла. Укçине шăпах çавăн тăрăх ыйтмалла. Йĕркене пăхăнмарăн – 5000 штраф! Паян кашни таксистăн çакна шута илмеллех.