21 декабря 2011 г.
Пурнăç улшăнса пынă май саккунсем те çĕнелсе пыраççĕ. Нумай пулмасть çеç Раççей Федерацийĕн Патшалăх Думи Уголовлă кодекса тĕрлĕрен улшăнусем кĕртрĕ. Ку таранччен уголовлă тата уголовлă-процессуаллă законодательствăпа йывăр мар преступленисен шутне юри тата ăнсăртран тунă ĕçсем кĕнĕ. Çакнашкал преступленишĕн икĕ çуллăха ирĕкрен хăтарнă. Çĕнĕ саккунпа килĕшÿллĕн вара чи пысăк айăплав срокĕ–3 çул.
РФ УКăн 129, 130 статйисем çын çинчен элек сарнипе, кÿрентернипе, унăн ят-чысне вараланипе çыхăннă. Çакăншăн уголовлă майпа айăпласа виçĕ çул таран тĕрмене яма пултарнă. Саккун улшăннине кура ăна уголовлă айăплав преступленийĕсен шутĕнчен кăларнă. Халĕ вăл административлă право йĕркине пăсни шутланать. Уншăн граждансене 20 пин, должноçри çынсене 100 пин таран штраф параççĕ.
Ю.ФУРАЖНИКОВ,
район прокурорĕ.