21 декабря 2011 г.
Хаклă энергетиксем, хисеплĕ туссем!
Сире професси уявĕ ячĕпе, энергетиксен кунĕ ячĕпе саламлатăп!
Энергетик кунĕ – хăйĕн пурнăçне çынсене çутăпа тата ăшăпа тивĕçтерессипе çыхăннă йывăр, анчах та питĕ кирлĕ ĕçе халалланисен уявĕ. Отрасль ĕçченĕсем çак тивĕçе ăнăçлăн пурнăçлаççĕ, кашни киле, социаллă учрежденисене тата халăх хуçалăхĕн мĕн пур организацине электроэнергипе пĕр кăлтăксăр тивĕçтерсе тăраççĕ, çапла майпа района малалла кал-кал аталанма пулăшаççĕ. Эсир малашне те Патăрьел районĕн энергетика комплексне çирĕппĕн ĕçлеттерессе, çынсен пурнăçне ăшăрах та çутăрах тума пулăшасса, энергетика тухăçлăхне ÿстерес енĕпе тытса пыракан приоритетлă политикăна пурнăçлама хастарлăн хутшăнасса шанатăп.
Çак çутă уяв пурсăра та иксĕлми вăй-хал, çирĕп шанăç тата лайăх кăмăл-туйăм парнелетĕр. Малашнехи çитĕнÿсем, çирĕп сывлăх, телейпе ырлăх сунатăп!
Район администрацийĕн пуçлăхĕ
Н. ГЛУХОВ.