24 декабря 2011 г.
Районти ĕçпе тивĕçтерекен центрĕн тĕп тĕллевĕ – ĕçсĕр çынсене паянхи рынок условийĕсенче хăйсен вырăнне тупма пулăшасси. Анчах вăл ĕçлеме пултаракан инвалидсем çинчен те манмасть. Унăн тивле-чĕпе кăçал 9 сусăра ятарлă условисем туса парса “Стройкомфорт”, “Булат”, “Союз”, “Полигон”, “Мастер”, “Прайм Плюс” тулли мар яваплă обществăсем, “Красное знамя”, “Колос” хуçалăхсем хăйсен хÿтлĕхне илнĕ. Чылайăшĕ – хуралçă, администратор та пур. Вĕсем валли центр 450 пин тенкĕ укçа уйăрнă. Тепĕр программа тăрăх нумай ачаллă тăватă тата инвалид ачасене воспитани паракан пĕр çемьене тимлĕх уйăрнă: ĕçе вырнаçтарнă. Куншăн 250 пин тенкĕ финанс пулăшăвĕ панă. Çак ушкăнсем секретарь-машинистра, делопроизводительте, бухгалтерта, пекарьте тăрăшаççĕ.