Публикации » Çилхăван Çĕнĕ çула хăйне валли “парне” тунă

01 января 2012 г.

ТУРХАНТИ пĕр пуçтах хĕрарăм Çĕнĕ çул умĕн хăйне хăй пысăк “парне” тунă. Çакскере, çуттине вăйлă ĕçсе лартнăскере, урамра шăнса вилесрен хăраса васкавлă пулăшу машинипех районти тĕп больницăна илсе çитернĕ. Апăршана шурă халатлисем яланлăхах куçне хуптарман, хыпалансах сиплеме пуçланă. Лешĕ вара тухтăрсене тав тăвас вырăнне вăй илнĕ хыççăнах тытнă та каçхине сиплев çуртĕнчен тухса тарнă. Тумтирĕпе пушмакĕ çуккине те пăхман. Гардеробри ятуллă пальтопа вĕр-çĕнĕ çăматă уншăн чухах-мĕн. Çилхăван хĕрарăмшăн вара больницăра выртакан Нăрваш Шăхалĕнчи кинемейпе Вăрманхĕрри Шăхалĕнчи арçын шар курнă. Юрать-ха йĕрке хуралĕнчисем çийĕнчех кукăр алла ярса тытнă.