11 января 2012 г.
Районти “Паттăр” физкультурăпа спорт комплексне хута янăранпа 4 çул çитрĕ. Çавăнтанпа алăкĕсем яланах уçă. Çак кунсенче унта волейбол турнирĕ, шывра ишекенсен ăмăртăвĕ иртрĕ. Сывă пурнăç йĕркине тытса пыракансене район администрацийĕн пуçлăхĕн çумĕ М. Калмыков, Патăрьел ял тăрăхĕн пуçлăхĕн çумĕ А. Румянцев, спорт ветеранĕсем саламларĕç.
Волейбола юратакансем вунпĕр команда пуçтарăннă. Вĕсем виçĕ ушкăна пайланса вылярĕç. Финалти тупăшăва кĕме “Тойси”, “Баиш”, “Землячество”, “Батыревский” командăсем тивĕç пулчĕç. Малтанах волейболистсем виççĕмĕш вырăншăн вылярĕç. Туçасемпе Пашьелсем пĕр пек очкосем илсе пычĕç. Юлашки тапхăрта 27:25 шутпа Туçасем çĕн-терчĕç. Патăрьелсем епле тăрăшрĕç пулин те “Землячествăна” выляса ячĕç, иккĕмĕш вырăнпа çырлахрĕç. Хăнасем пĕрремĕшне тухрĕç. Çĕнтерÿçĕ командăсене грамотăсем, медальсем парса хавхалантарчĕç.
Мĕн палăртмалла-ха юлашкинчен; Ял çамрăкĕсем валли спортзал алăкĕсем яланах уçă пулччăр. Çитĕнекен ăру унта çÿресе вăхăтне усăллă ирттертĕр. Спорта юратакансем хушăнсах пыччăр. Вĕсене хавхалантаракансем тупăнсах тăччăр. Пуçаруçисем пулсан выляканĕсем тупăнаççех.
В. МИХАЙЛОВ.