Публикации » Каччăшăн савăнаççĕ

25 января 2012 г.

ТРЕНЬЕЛĔНЧЕ çуралса ÿснĕ Кирилл Фролов мĕн ачаранпах спортпа туслă пулнă. Çавăнпах вăл хăйĕн малашлăхри шăпине те унпах çыхăнтарнă. Паян каччă – Мускаври пĕр аслă шкулти физкультура факультетĕнче вĕренет. Апла пулин те хăйĕн тĕп тивĕçĕпе çеç лăпланса лармасть. Иртнĕ çул вĕçĕнче вăл “Раççей спортĕнчи студент-сен çăлтăрĕсем” ăмăртăва хутшăнса малти вырăнсене йышăннă.

Çамрăк спортсмен Çĕнĕ çула та пысăк хавхаланупа пуçланă. Хулара Раççей шайĕнче хăвăрт утас енĕпе иртнĕ чемпионатра (вунă çухрăма, икĕ тĕрлĕ ушкăнта) финиша виççĕмĕш тата пĕрремĕш çитнĕ. Халĕ вăл Адлерта. Февраль уйăхĕнче Саранскра иртекен пысăк ăмăртăва хатĕрленет.