Публикации » Патăрьелĕнче – пилĕк банкомат!

28 января 2012 г.

ШАЛĂВА е ĕç укçине касса пÿлĕмĕн пĕчĕк чÿречинчен е ятарлă шут ăсти умĕнчи хут çине алă пусса илмелли вăхăтсем иртрĕç-тĕр. Пурте тенĕ пекех алла карточка тытса банкомат енне утатпăр. Ик-виç çул каялла вăл Патăрьелĕнче пĕр çĕрте, перекет кассин хăрах енче, кăначчĕ. Кăштахран ытти банксем те хăйсен “хутаçĕсене” уçрĕç. Акă, хальхаççăн кăна райцентрта Раççей ялхуçалăх банкĕ пасар таврашĕнче пурăнакансене меллĕрех пултăр тесе “Стройдом” магазинта çĕнĕ автомат вырнаçтарчĕ. Пурĕ халĕ вĕсем пиллĕк пулса кайрĕç. Финанс учрежденийĕн ертÿçи Рудольф Селиванов пĕлтернĕ тăрăх, малтанхи çур кунтах ун çинчен 200 пин тенкĕ кĕмĕл илнĕ. Хамăра чухăн тетпĕр...