28 января 2012 г.
Кăрлач уйăхĕн 23-мĕшĕнче Чăваш Енре Пĕтĕм Раççейри оборонăпа спорт ĕçĕн уйăхлăхĕ пуçланчĕ. Вăл, ытти çулти пекех, нарăс уйăхĕн 23-мĕшĕччен, Тăван çĕр-шыв хÿтĕлевçин кунĕччен, пырĕ. Çак тапхăрта шкул ачисемпе çамрăксем валли хастарлăх урокĕсем, çарпа патриот тата спорт мероприятийĕсем – уявсем, эстафетăсем, тĕрлĕ ăмăрту – ирттерме палăртнă. Йăлана кĕнĕ тăрăх çамрăк армеецсем слета пухăнĕç, хăйсем Раççей Хĕç-пăшаллă Вăйĕсен ретне тăма мĕнле хатĕрленине кăтартĕç. 2012 çул – Раççей историйĕн çулталăкĕ, çавна май уйăхлăх вăхăтĕнче çамрăксене сывă пурнăç йĕркине хăнăхтарнипе пĕрлех Тăван çĕр-шыв историйĕнчи паллă пулăмсемпе те паллаштарма тăрăшрĕç. Кăçал Тăван çĕр-шывăн Аслă вăрçинче тăшмана çапса аркатнăранпа – 67, 1812 çулхи вăрçăра Раççей çарĕ паттăррăн çĕнтернĕренпе – 200, халăх ополченийĕн салтакĕсем Мининпа Пожарский ертсе пынипе Китай хулана штрумласа илнĕренпе, Мускава Польша интервенчĕсенчен хăтарнăранпа 400 çул çитет т. ыт.те.