Публикации » Полицейски Хĕл Мучи пулаять-и;

01 февраля 2012 г.

“КИРЛĔ чухне – пулать!”, – тесе калас килет кун пирки. Çакна вара пакунлисен йĕркипе хăш-пĕр фактпа çирĕплетесшĕн.

Иртнĕ эрнере районта йывăр социаллă лару-тăрури çемьесене, ачасене пулăшас тĕллевпе йĕркеленĕ “Полицейски – Хĕл Мучи” ыркăмăллăх акцине пĕтĕмлетнĕ. Çак сăваплă тапхăр пĕр уйăх тăсăлнă. Сахал мар вăхăтра район полицийĕн участокри уполномоченнăйĕсемпе çул çитмен ачасен правине хÿтĕлес тĕлĕшпе тимлекен яваплă органсен специалисчĕсем йывăртарах лару-тăрура пурăнакансем патне çитсе усăллă калаçусем ирттернĕ, пылак апат-çимĕç вара ачасемшĕн савăнăçлă парне пулнă.