08 февраля 2012 г.
“Авангард” хаçат редакцийĕ иртнĕ çул ырă йăлана – “Çулталăк çынни” конкурса малалла йĕркелессине çĕнĕрен пуçарса ячĕ. Тупăшăва хутшăнакан хастарсем – пурте хăйсен ĕçĕнче пултаруллă, пуçаруллă, халăхшăн тăрăшаканскерсем. Çакна палăртма кăмăллă: хаçат вулаканĕсем çĕнĕ вăй-хăватпа чĕртсе янă конкурса хапăлласа йышăнчĕç, унта хутшăнакан пирки ырласа нумай-нумай çыру ячĕç. Ĕç коллективĕсем, уйрăм çынсем пысăк пуçарулăхпа кандидатсем пирки хăйсен шухăшне пĕлтерчĕç. Уйрăмах Шăнкăртамри иккĕмĕш вăтам шкул директорĕ Сания Калайбашева, районти социаллă страховани фончĕн ертÿçи Людмила Кадкина, Турхан ял тăрăх пуçлăхĕ Александр Сымов кандидатурине ырлакансем йышлă пулчĕç. “Çулталăк çынни” хисеплĕ ята вара районти ветеринари станцийĕн начальникĕ Петр Ильич Ефимов çĕнсе илчĕ. Редакци коллективĕ ăна çак ятпа чун-чĕререн саламлать, ырлăх-сывлăх, ĕçре ÿсĕмсем сунать.
(Хамăр корр.).