Публикации » Çамрăксенче – вăй, шанăç, малашлăх

08 февраля 2012 г.

РАЙОНТА кашни уйăхра пĕрлĕхлĕ информаци кунĕ ирттересси йăлана кĕнĕ темелле. Ун чухне халăхпа куçа-куçăн тĕл пулса ыйтусене итлеме республикăран тĕрлĕ шайри ертÿçĕсем килеççĕ. Çакнашкал мероприяти Юхмапа Пăла тăрăхĕнче çамрăксем хушшинче те иртнĕ. Патăрьелĕнчи пĕрремĕш вăтам шкулта “Эпир Раççей малашлăхĕ” темăпа йĕркеленĕ пухăва районта аслă класра вĕренекен 150 хастар хутшăннă. Çамрăксене патриотла воспитани парас ыйтупа райадминистрацин вĕрентÿ пайĕн методисчĕ Алена Адикина тухса калаçнă. Çак темăпах И. Терентьева директор çумĕпе “Çамрăк патриот” клуб ертÿçи Ю. Васюткин кун йĕркинчи ыйтусене çивĕчлетнĕ, çитĕнекен ăрура пысăк шанăç, малашлăх пулнине палăртнă.