Публикации » Сивĕ пулсан, килтех лар!

08 февраля 2012 г.

УНЧЧЕНСЕНЧЕ шартлама сивĕсенче шкула каймалла маррине ирпе-ирех радиопа пĕлтеретчĕç. Кăчухне çакнашкал меслет çук. Ун пек чухне мĕн тумалла; Ирĕксĕрех килти термометра шанмалла тата республикăри вĕрентÿ министерстви сĕннине шута илмелле. Сывлăш температури 25 градус е ытларах пулсан 1-4 классен, 30 градусра 1-9, 35 градус е ытларах та сивĕ пулсан 10-11 класра вĕренекенсен шкула каймалла мар. Хальхи вăхăтра та Юхмапа Пăла тăрăхĕнче Чăваш Енти вăтам температурăран та сивĕрех тăрать. Çавăнпа та паттăрланма кирлĕ мар. Сивĕре шăнса пăсăлма е алă-урана тăм илтерме те пулать.