Публикации » “Çумăр çăвать, çумасса та пултарать...”

15 февраля 2012 г.

ВĂРĂМ ĕмĕр пурăнса шурсухалланнă ватăсен каларăшĕсем чул çине çырăннă. Вĕсен кашни сăмахĕ чăнлăхпа тÿр килет. Вăл шутра çут çанталăк пулăмĕпе çыхăннисем те тĕрĕсе тухаççĕ. Анчах та кулленхи пурнăçра атмосферăна тата çĕрĕн çиелти сийне сăнакан специалистсен пулăшăвĕ те кирлĕ. Раççейĕпе метеорологи станцийĕсем икĕ пине яхăн та пур иккен. Унсăр пуçне виçĕ пин пост шутланать. Пысăк “çар” темелле. Чăваш çĕр-шывĕнче вара сăнавсем йĕркелекен учреждени пиллĕк çеç: Улатăрта, Шупашкарта, Пăрачкавра, Канашра тата... пирĕн Патăрьел районĕнче. Юхмапа Пăла тăрăхĕнче сывлăш тата çĕр температурине, çил вылянăвне тата ыттине çырма 1895 çулта пуçланă.