Публикации » Сăнав камерисене лартаççĕ

15 февраля 2012 г.

РФ Тĕп суйлав Комиссийĕн постановленийĕпе килĕшÿллĕн мартăн 4-мĕшĕнче иртекен Раççей Федерацийĕн Президенчĕн суйлавĕнче кашни суйлав участокĕнчех сăнав камерисем пулĕç. Ку тĕлĕшпе пирĕн районта ĕçсем ăнăçлă пыраççĕ. Февралĕн 10-мĕшĕ тĕлне 22 участокра сăнакан оборудовани вырнаçтарнă. Пирĕн тăрăхра çак ĕçе “Ростелеком” уçă акционерла обществăн Патăрьелĕнчи филиалĕн сотрудникĕсем (пурĕ виçĕ бригада) пурнăçлаççĕ. Программăллă аппарат комплексне (ПАК) икĕ сăнав камери, компьютер, модем, çыхăнтаракан кабельсен наборĕ, кăлтăксăр ĕçлеме май паракан çутă çăлкуçĕ кĕреççĕ. Пĕр камера сасăлав пÿлĕмĕнчи ĕçсене, тепри стационарлă урнăпа тата усă курман бюллетеньсене пăрахăçланине тата вĕсене шутланине сăнаса тăрĕ.

А. НИКОЛАЕВА.