18 февраля 2012 г.
Çак кунсенче миравай судăн пĕрремĕш участокĕнче Сăкăтра пурăнакан 26 çулхи ашшĕ пирки уголовлă ĕç пăхса тухнă. Мăшăрĕпе вăл пĕр чĕлхе тупайманран уйрăлнă. Çакăншăн виççĕри ывăлĕ айăплă мар-çке. Амăшĕ çавăнпах тĕпренчĕкне ÿстерме ашшĕнчен алимент шыраттарнă. Суд йышăнăвĕпе унăн кашни уйăхрах 2000 тенкĕ тÿлемелле. Анчах ашшĕ çак йышăнушăн тÿрех шарт сикмест, ĕçе вырнаçас тесе те тăрăшмасть. Парăмĕ ÿснĕ те ÿснĕ, 32140 тенке çитнĕ.
Çавăнпа ăна судра хÿтĕлеме те шутламан, РФ УКăн 157 статйин 1 пайĕпе ултă уйăхлăха ĕçлесе юсанма, 10 процентне патшалăх судра хысни валли тытса юлмалла тунă.