29 февраля 2012 г.
Сиенлĕ тата йывăр ĕç условийĕсенче вăй хуракансем медицина тĕрĕслевĕ витĕр кăçалтан çĕнĕ йĕркепе тухĕç. Ăна Раççей Федерацийĕн сывлăх тата социаллă аталану министрĕн хушăвĕпе çирĕплетнĕ. Унпа килĕшÿллĕн пациентсене врач профпатолог та пăхмалла. Çавна май тĕрĕслев пахалăхĕ тата лайăхланĕ, пĕрлех професси чирĕсене вăраха каиччен тупса палăртма май пулĕ.
Çакнашкал медицина комиссийĕ обществăлла апатланура, суту-илÿре, вĕрентÿре, сывлăха сыхлас ĕçре, транспортра, строительствăра, çавăн пекех сиенлĕ факторсемпе тĕл пулакан ытти сферăсенче вăй хуракансене те пырса тивĕ. Тĕрĕслев результачĕсем сывлăх паспорчĕ çине çырăнмалла. Ун тăрăх врачсем ĕçлекенĕн сывлăхĕ малашлăхра мĕнле улшăнса пынине палăртма пултарĕç.
О. ИВАНОВА