29 февраля 2012 г.
Çамрăксене патриотла воспитании парас , Раççей çĕршывне хÿтĕлеме хатĕрлес тĕлĕшпе Патăрьел районĕнче тĕрлĕрен мероприяти йĕркеленĕ. Николай Хлебников ертсе пыракан Канаш хулин автошкулĕн Патăрьелĕнчи уйрăмĕ çĕр-шывăн пулас хÿтĕлевçисемпе тĕрлĕ енлĕ спорт мероприятийĕсем ирттереççĕ. Февралĕн 23-мĕшне халалласа виçĕ енлĕ (троеборье) ăмăрту пулчĕ.
Çамрăксем чупассипе, граната ывăтассипе, турник çинче йăтăнассипе ăмăртрĕç. Тупăшăва 30 курсант хутшăнчĕ. Уйрăмах А. Савельев, М. Смирнов, А. Мотнов, М.Купкенов, М. Козлов курсантсем лайăх кăтартусем турĕç.
Хăйсен вăйне маçтăрлăхне кăтартса малти вырăнсене Марат Козлов, вырăнсене Марат Купкенов, Александр Мотнов йышăнчĕç.
Çĕнтерÿçĕсене Н. Хлебников ертÿçĕ дипломсемпе хаклă парнесем парса хавхалантарчĕ.
В. Антипов.