25 февраля 2012 г.
РАЙОНТИ “Паттăр” ФСК-ра çулталăк тăршшĕпе массăллă спорта аталантарас, сывă пурнăç йĕркине пăхăнса пурăнас тĕллевпе чылай мероприятисем йĕркелеççĕ. Хальхи вăхăтра, сăмахран, физкультурăпа спорта кăмăллакансен вунăкунлăхĕ пырать. Çĕр-шыв хÿтĕлевçисен кунĕнче çеç çак ятпа кашни ял поселенийĕнчех халăха йышлă явăçтарса тĕрлĕрен мероприяти ирттернĕ. Физкультурăпа спорт комплексĕнче арçынсене хисеплесе праçникре шахматла выляссипе, хăвăрт ишессипе, ирĕклĕ майпа кĕрешессипе, йĕлтĕрпе чупассипе, мини-футболла выляссипе ăмăртусем пулнă. Вĕсенче пуринче те район администрацийĕн пуçлăхĕ Н. Глухов хутшăннă, çĕнтерÿçĕсене Хисеп грамотисемпе саламланă.