Публикации » Айгель çитĕнĕвĕпе мухтанмалăх пур

03 марта 2012 г.

ÇАК кунсенче Хусанта тутар чĕлхине тата литературине пур енлĕ тишкерессипе олимпиада иртнĕ. Тупăшакан ушкăнсем сахалăнах пулман: 16 регионтан 79 хастар хутшăннă. Вĕсем пурте çивĕч ăслисем, республика çĕнтерÿçисем. Шăнкăртамри пĕрремĕш вăтам шкулти Айгель Абейдуллова Чăваш Ен чысне хÿтĕленĕ. Хĕрачана çакăншăн тав тумалăх та, унпа мухтамалăх та пур. Г. Абейдуллова вĕрентекен хатĕрленипе вăл çак пысăк йыш хушшинче чĕлхепе тата литературăпа уйрăммăн йĕркеленĕ олимпиадăсенче иккĕшĕнче те малти вырăна тухнă. Çакăн хыççăн выпускницăн вăрттăнлăхне уçсан та юрать пулĕ: маттур хĕр алла аттестат илнĕ хыççăн тăван чĕлхене, унăн культурине тĕпчес çулпах каясшăн.