07 марта 2012 г.
Манăн тăван асанне çук. Çавăнпа та эпĕ хамăр урамри В. Щербигинăна чи хисеплĕ ватă вырăнне хуратăп. Вăл Шăхач ялĕнче пурăнать. Унăн кун-çулĕ çăмăлпа иртмен. Вăл питĕ нумай нуша курнă, выçлăх çулĕсене тÿссе ирттернĕ.
“Санăн аçу та, аннÿ те пур. Епле телейлĕ эсĕ. Эпĕ вĕсен хÿттинче ÿсеймерĕм. Анне тесе калас килетчĕ те...” – аса илет Валентина Григорьевна.
1941 çулта ăна вăрман касма янă. Шартлама сивĕсенче вăл ир пуçласа каçчен ĕçре пулнă. Тăраниччен апат та çиеймен хĕрсем. Çав кунсем ватă чĕрине тарăннăн вырнаçса юлнă. Çынсене ырă тăваслăхĕ те унра çак çулсенчех çуралнă пулас.
М. САМДЕЛОВА.