Публикации » Çуркуннехи шыв-шур никама та ан кăтарттăр хур

14 марта 2012 г.

Çанталăка сăнакансем ку эрнере те урамра сивĕ пуласса шантараççĕ. Çапах çак хыпарпа лăпланса ларни вырăнсăр. Çур пике алăк урати ку енчех. Çавăнпа та ял тăрăхĕсенче вырăнти лару-тăрăва шута илсе мĕн пур шыв çулĕсене уçмалла, тасатмалла, хăрушлăха сирсе ямалли условисемпе тивĕçтермелле. Хамăр туса çитереймен е çак яваплă ыйту çине çиелтен пăхнăран ял халăхĕ хур ан куртăр, тĕрлĕ объект ан сиенлентĕр. Çак тĕллевпе район администрацийĕн пуçлăхĕ ятарлă хушу кăларнă. Ку енĕпе çирĕплетнĕ комисси ĕçлет. Вырăнсенче те шыв-шур ыйтăвĕпе çаплах тимлемелле.