14 марта 2012 г.
Тăватă çулта пĕрре килсе çакланакан 366 кунлă çулталăка ытти чухнехи пекех чун-чĕререн йышăнмалла пек. Ара, кунĕ-çĕрĕ, хĕвелĕ-уйăхĕ, çут çанталăк пулăмĕсем – пурте çавах-çке. Анчах темшĕн ăна халăхра хăшĕ-пĕри тĕшмĕшлĕх паллисемлĕ шутлать. Çавăнпах-тăр тĕкел çулĕнче пĕрлешекенсем те ытти чухнехисенчен сахалтарах. Сăмахран, 2011 çулхи февральте 32 мăшăр пĕр-пĕрне килĕштерсе çемье çавăрнă. Кăçалхи 29 кунлă уйăхра вара районти ЗАГС уйрăмĕнче пĕрлешни çинчен ĕнентерекен 26 хут çеç панă.
Иртнĕ уйăхра пĕлтĕрхи çак вăхăтрипе танлаштарсан, ача çуратакансем те сахал. Патшалăх çемьене йыш хушакансене пулăшма тĕрлĕрен çăмăллăх туса парать пулин те, çамрăксем уншăн хыпăнса ÿкниех туйăнмасть.