24 марта 2012 г.
УСАЛ хыпар утпа çÿрет, теççĕ. Раççей Федерацийĕн ШĔМĕн районсем хушшинчи “Батыревский” уйрăмĕн начальникĕ тата маларах районти шалти ĕçсен пайĕн начальникĕн çумĕнче тăрăшнă полици сотрудникĕн ячĕсемпе уголовлă ĕç пуçарнă текен хыпар халăхра çиçĕмле хăвăртлăхпа сарăлчĕ. Следстви версийĕпе вĕсене иккĕшне те вăйă бизнесĕпе çыхăнса çынсенчен взятка илнĕ тесе шухăшлаççĕ: пĕри–300 пин, тепри–40 пин.
Чăваш Республикин ШĔМĕ çак пăтăрмаха тĕпчеме пуçласанах полици начальникне ĕçрен хăтарни çинчен пĕлтерчĕç. Çавăнтанпах вăхăтлăха çак тивĕçе полици подполковникĕ Андрей Михайлович Алексеев пурнăçласа пырать. Вăл маларах Шăмăршăра начальник çумĕнче тимленĕ.