Публикации » Ямăт пурлăхшăн явап тыттараççĕ

31 марта 2012 г.

ВĂРĂ алли каçа хирĕç кĕçĕтет теççĕ.Çакă чăнах та çапла-ши; Районти шалти ĕçсен пайĕн следстви уйрăмĕнчен пĕлтернĕ тăрăх, пĕррехинче каçхи шăплăхра, çурçĕр иртсен Ильинпа Эриванов хăйсен “операцине” пуçăннă. Çакскерсем Вăрманхĕрри Шăхалĕпе Апрушнăй ялĕсем хушшинче çул хĕррине лартса хăварнă çăмăл автомашина çине куç хывнă. Икĕ тус пĕр именмесĕр те шикленмесĕр ун патне пынă, унта багаж алăкне хирсе уçнă та сасса вăйлатакан аппаратурăна йăкăртнă. Кукăр алăсем тарăпăр та çăлăнăпăр, 3000 тенкĕ тăракан тавара хăйсене майлă вырнаçтарăпăр, тенĕ пулĕ. Анчах ĕç-пуç урăхла çаврăнса тухнă, район сучĕ пуçтахсене штраф тÿлеттернĕ.