07 апреля 2012 г.
Хальхи вăхăтра хулара пĕрремĕш класа каякан ачине малашлăхлă е ахаль шкула саккунлă майпа ярас тесен те полици сотрудникĕсене явăçтармалла-мĕн. Вĕсенче пуйăс евĕр черет теççĕ. Юрать-ха районти ялсенче çакнашкал пăтрашăну çук. Кăçал, сăмахран, 444 ача пĕрремĕш хут парта хушшине ларĕ. Иртнĕ çул вĕсем 416-ăн пулнă. Шăпăрлансен ытларах пайĕ (104 вĕренекен) Патăрьелĕнчи пĕрремĕш вăтам шкулта пĕлÿ илĕ, кунта пуçласа 4 класс пулĕ. Учительницăсем хăйсен ачисене ятран пĕлеççĕ, кашни шăматкун хатĕрленÿ урокĕсем ирттереççĕ.
Кзыл Камышра, Каншелĕнче, Кзыл Чишмара, Красномайскинче, Еншикре, Ишлĕре вара виçшер ача çеç пĕрремĕш хут шкул пурнăçне хутшăнма пуçлĕ.