Публикации » Пуçламăш çитĕнĕвĕ савăнтарать

11 апреля 2012 г.

НĂРВАШ ШĂХАЛЬ тăрăхĕнчен паллă спортсменсем чылай тухнă. Вĕсем хушшинче çуран та, йĕлтĕрпе чупакансем те, пукан йăтакансем те, волейболла ăста вылякансем тата ыттисем те пур. Тĕнче шайĕ таран çĕкленнĕ Ирина Ягупова (Калентьева) маунтинбайк енĕпе çитĕнÿ хыççăн çитĕнÿ тăвать, ентешсене чун-чĕререн савăнтарать. Аслă аппăшĕнчен тĕслĕх илекенсем çак ялта йышлă. Хальхи вăхăтра, сăмахран, Санкт-Петербургри Олимп резервĕсен училищинче икĕ каччă та пĕр хĕр вĕренеççĕ. Вăрманхăрри Шăхалĕнче çуралса ÿснĕ Артур Раськин вара çак кунсенче хăйĕн пĕрремĕш çĕнтерĕвĕпе савăнтарнă. Хорватинче кросс-кантри енĕпе иртнĕ пысăк ăмăртура вăл йывăрлăхсене çĕнтерсе пĕрремĕш вырăна тухнă.