14 апреля 2012 г.
Чăваш Республикин Сывлăх сыхлавĕпе социаллă аталану министерстви республикăра ĕçлев сыхлавĕн уйăхлăхне ирттерет. Ăна Пĕтĕм тĕнчери Ĕçлев сыхлавĕн кунне (ака уйăхĕн 28-мĕшĕ) халаллаççĕ. Вăл ака уйăхĕн 1-мĕшĕнче пуçланчĕ, 30-мĕшĕнче вĕçленет.
Район пуçлăхĕн хушăвĕпе килĕшÿллĕн уйăхлăха ирттерсе яма ятарлă комисси туса хунă. Унăн председателĕ пулма райадминистраци пуçлăхĕн çумне, ĕç сыхлавĕн районти координаци Канашĕн ертÿçине М.Калмыкова çирĕплетнĕ.
Ĕç сыхлавĕн уйăхлăхĕнче предприятисемпе организацисенче ĕç сыхла-вĕпе техника хăрушсăрлĕхĕн специалисчĕсемпе çивĕч ыйтусене «çавра сĕтел» хушшинче сÿтсе явма, тракторсен, хăй тĕллĕн çÿрекен çул-йĕр машинисен тата прицепсен патшалăх техника тĕрĕслевне хутшăнма, ĕç сыхлавĕн кабинечĕсемпе кĕтесĕсене çĕнетме, ĕç коллективĕсемпе тĕл пулусем йĕркелеме, уйрăм сыхлав кунне ирттерме палăртнă.
(Хамăр корр.)