21 апреля 2012 г.
ПРАВОСЛАВИ тĕнне ĕненекенсемшĕн пур уявсенчен те пысăкрах праçник, чаплă кунсенчен чи чаплийĕ, праçниксен праçникĕ – Мăнкун! Сăлтавĕ паллă: çак кун Иисус Христос вилĕмĕнчен мухтавлăн чĕрĕлсе тăрса тĕнчене çылăх тыткăнĕнчен хăтарнă, этемлĕхе ĕмĕрлĕх телейлĕ пурнăç парнеленĕ. Ыран, апрелĕн 22-мĕшĕнче, çак уява чыс, хисеп туса Патăрьелĕнчи культурăпа кану центрĕнче “Мăнкун савăнăçĕ” фестиваль йĕркелеççĕ. Унта районти прихутсенчи вырсарни шкулĕн хастарĕсем, шкул ачисем, Турра ĕненекенсем хутшăнаççĕ, савăк чиркÿ юррисене шăрантараççĕ, çăмăл ташăсемпе савăнтараççĕ.