Публикации » Ырă ĕçпе пулăшни çĕре ÿкмĕ

21 апреля 2012 г.

СĂКĂТРИ капăр та хăтлă шкулта вĕренекенсем чылайăшĕ уроксем хыççăн киле васкамаççĕ – спортзала утаççĕ. Арçын ачасем ытларах кĕрешекенсен тата пукан йăтакансен секцийĕсене çÿреççĕ. Ара, çамрăк чухне камăн сарлака хул çурăмлă та тĕреклĕ курăнас килмĕ-ха! Тар кăларса тăрăшни вара сая каймасть. В.Анюровпа А.Алексеев тренерсем тăрăшнипе çамрăк спортсменсем çитĕнÿ хыççăн çитĕнÿ тăваççĕ. Çапла пулма вĕсене аслă пиччĕшĕсем те нумай пулăшаççĕ. Çак кунсенче, акă, спорта юратакан выпускниксем тăван шкула вĕр- çĕнĕ штанга парнеленĕ. Вăл çеç те мар-ха. Ял хастарĕсем волейболистсемпе футболистсем валли формăсем туянса пама та шантарнă.