Публикации » Хапăл тунă йыхрава

21 апреля 2012 г.

ПИРĔН районти шкулсенчен вĕренсе тухакансем ыттисенчен телейлĕрех тесе калас килет. Мĕншĕн тетĕр-и; Çамрăксем таçта аякка каймасăрах, хамăр патăрти университет филиалĕнче аслă пĕлÿ илме, професси училищинче вара юратнă специальноç вăрттăнлăхне вĕренме пултараççĕ. Ытлари кун, сăмахран, Патăрьелĕнчи училищĕре “уçă алăк” кунне йĕркеленĕ. Кăçалхи вĕренÿ çулĕ вĕçленсе пынă май тăххăрмĕш класран вĕренсе тухакансемшĕн çакнашкал мероприяти питех те усăллă . Директор çумĕ И.Рубцова йыхрава хапăл тунисене заведени пурнăçĕ пирки тĕплĕн каласа панă, хăйсем патĕнче мĕнле ăстасем хатĕрлесе кăларнипе паллаштарнă.