18 апреля 2012 г.
“Батыревское” акционерсен хупă пĕрлешÿре çуллен çĕр улми туса илессипе аван ĕçлеççĕ, лаптăкне те ÿстерсех тăраççĕ. Кăçал “иккĕмĕш çăкăра” 340 гектар лартма планланă. Хуçалăхра ĕçлекенсенчен йĕркеленĕ икĕ бригада халь шăпах вăрлăха яровизацине кăларнă çĕрте тăрăшать. Ăна А.Клачков бригадир ĕçлеттерет. Тивĕçлĕ канăва кайнисем те хастар хутшăнаççĕ. Л.Терентьевапа С.Осипова кашни çулах пулăшма тухаççĕ.
Çĕр улмин “таса амăшĕ” хуçалăхра сутлăх та пур. Ăна хамăр районтан кăна мар, кÿршĕллĕ тăрăхсенчен те илме килеççĕ. Çак кунсенче кăна Елчĕк районĕнчи “Сатурн” хуçалăх “невский” тата “ред-скарлет” вăрлăхсене туяннă. Çĕр-шыв типшĕрсе пынăран урпана имçамлама тытăннă.
О.ПАВЛОВА.