25 апреля 2012 г.
Çĕр ĕçченĕшĕн канăçсăр кунсем пуçланчĕç. Акана кĕске вăхăтра тата пахалăхлă ирттерес тесе вăл кашни минутпа туллин усă курма тăрăшать. Ял çынни тăпра типсе кайиччен вăрлăхсене никĕсе хывса хăварсан пĕр тикĕссĕн шăтса тухассине питĕ лайăх ăнланать.
Сăкăтри “Красное знамя” ял хуçалăх производство кооперативĕнче паян тăрăшсах типшĕрнĕ лаптăксене культиваци тăваççĕ, сÿрелеççĕ. Кунта шăматкун, апрелĕн 21-мĕ-шĕнче, акма тухнă. Л.Силюков хăйне шаннă тракторпа пĕрремĕш кунхине 35 гектар çĕре шуратса хăварнă. Вырсарникун тата икĕ агрегат хутшăннă. Ĕнерхи кун тĕлне 150 гектар акнă. Пĕрчĕллĕ тата пăрçа йышши культурăсем кĕрхисемпе пĕрле 1000 гектар çитĕнмелле.
Хуçалăхра вăй хуракансем çавăн пекех тĕш тырă вăрлăхĕсене имçамлаççĕ, çĕр улмине яровизацине кăлараççĕ.
О.ПАВЛОВА.