Публикации » «Авангард» хаксене чакарать

03 мая 2012 г.

КĂЧУХНЕ кирек ăçта пĕр хут е справка çыртарма кайсан та кĕсьери кĕмĕлне чанкăртаттарма тивет. Нимĕнле çăмăллăх та укçасăр мар вĕт. Районта тухса тăракан “Авангард” хаçата та паян пурнăçа сыпăнтарса пыма ансат тееймĕн. “Чун апатне” çемьене çитеричченхи тăкакĕсем самай пысăк. Çакна пăхмасăрах вулакансен кăмăлне шута илсе редакци рекламăпа пĕлтерÿсен хакне чакарма шутларĕ. Маларах тĕрлĕ суту-илÿ енĕпе çыхăннă пĕчĕк пĕлтерÿсемшĕн 350 тенкĕ илнĕ пулсан, халĕ 10 сăмахран сахалтараххисене 200 тенкĕпех пичетлеме пулĕ. Çĕр пайĕпе çыхăннисенче те ырă улшăну пур: 100 хушаматран та ытларах списокри пĕр ят-шывшăн 150 тенкĕ вырăнне 100 тенкĕ çеç тÿлемелле.