Публикации » Алимента тÿлемех тивет

12 мая 2012 г.

РАЙОН прокуратурин сотрудникĕсем саккуна пăхăнас тĕлĕшпе çыхăннă тĕрлĕрен ĕçсене тĕрĕслесех тăраççĕ. Çул çитмен ачисемшĕн алиментран тарса çÿрекен ашшĕсем те çирĕп сăнавра. Нумай пулмасть йĕрке хуралçисен Нăрваш Шăхалĕнчи Петров гражданинăн ĕçне тĕпчеме тивнĕ. Районти суд приставĕн ĕçченĕсем çак пуçтаха хăйĕн парăмĕ пирки темиçе хутчен те аса илтернĕ. Анчах ача ашшĕ ăна хăлхана та чикмен курăнать. Пурăннă та пурăннă нимĕн пулман пек. Иртнĕ çулхи августран пуçласа çакскер алиментне пĕр пус та тÿлемен. Халĕ вара унăн РФ УК ăн 157 статйин 1 - мĕш пайĕпе килĕшÿллĕн явап тытмах тивет.