16 мая 2012 г.
Первомайскинчи “Шуçăм” ача садĕнче юмах эрни иртрĕ. Воспитательсем çитĕнекен ăрăва куллен тĕрлĕ халаппа паллаштарчĕç. Эрнен юлашки кунĕнче ачасем тĕрлĕ костюм тăхăнса юмахри сăнарсене калăпларĕç. Малтанах кĕçĕн ушкăнрисем хăйсен пултарулăхне суйласа илнĕ “Çарăк” юмаха кăтартса савăнтарчĕç. Унтан “Йăва” халап сцена çине тухрĕ. Вăтам ушкăнрисем “Теремока” ăста тавракурăмлă, килĕшÿллĕ кăларчĕç.
Аслă ушкăнри ачасен пултарулăхĕ пурне те килĕшрĕ. Вĕсем “Тилĕпе мулкач” юмахпа эрнене вĕçлерĕç. Ашшĕ-амăшĕ те ывăл-хĕрĕн пултарулăхĕшĕн хĕпĕртерĕ.
Г. КИРГИЗОВА, воспитательница.