30 мая 2012 г.
Районти тĕп библиотекăра вулавăш ĕçченĕсен конкурсĕ иртрĕ. Унта хутшăнакансем професси ăсталăхĕпе, малашлăх тĕллевĕсемпе паллаштарчĕç, мероприятисене хатĕрленме пĕлнине кăтартрĕç. Конкурсантсем тĕрлĕ тĕрĕслев витĕр тухрĕç. Вĕсене тата професси уявĕ ячĕпе Е.Юлдашева ĕç ветеранĕ, Кивĕ Ахпÿртри библиотека заведующийĕ А.Капитонова, Пăлапуç Пашьелĕнчи культура çурчĕн ĕçченĕ Р.Ефимова, райадминистрацин информаци тивĕçтерĕвĕпе социаллă аталану пайĕн специалисчĕсем П.Логуновапа М.Волкова саламларĕç.
Жюри пĕтĕмлетĕвĕ тăрăх пĕрремĕш вырăна Пăлапуç Пашьелĕнчи Е.Ларева, иккĕмĕшне Нăрваш Шăхалĕнчи Л.Софронова, виççĕмĕшне Первомайскинчи Т.Степановапа Тăрăнти Е.Степанова библиотекарьсем тухни паллă пулчĕ.
(Хамăр корр.)