02 июня 2012 г.
РАЙОНТИ суд пристав службинчен пĕлтернĕ тăрăх, хальхи вăхăтра кунта тĕрлĕрен çылăха пула шутра тăракансем отпуск илсе ют çĕр-шыва канма кайма тÿрех инçе çула тухаймĕç. Ку тĕлĕшпе федераллă саккунпа килĕшÿллĕн парăмçăсен правине хĕсмелли май пур. Приставсем ятарлă хут туса чикĕ хуралне те ярса пама пултараççĕ. Урăхла каласан, “хура хÿрене” калта евĕр татса хăварма май çук. Парăмран тарса хăтăлаймăн.
Республикăра кăçалхи тăватă уйăхра 721 çын пирки хушу кăларнă. Çак ушкăнăн тинĕс хĕрринче хĕвел питтинче хĕртĕнсе выртас ĕмĕчĕ татăлнă ĕнтĕ. Кун пек тĕслĕхсем районта та пур-мĕн. Алимента тата кредита вăхăтра тÿлемесĕр канлĕ пурăннă 16 арçынпа хĕрарăм умне капкăн хунă.