Публикации » Ĕнерхи банкир вăхăта ахаль ирттермест

02 июня 2012 г.

ХАÇАТ вулаканĕсене пĕр вырăнта тăрăшса ĕçленĕ çынсен шăпи, пурнăçĕ кăсăклантаратех пулĕ. Акă Патăрьелĕнчи “Россельхозбанка” нумай çулсем тирпейлĕ те кăмăллă хĕрарăм – Лидия Ефимовна Егорова – ăнăçлă ертсе пычĕ. Ăна чылайăшĕ паллаçĕ те, пĕлеççĕ те. Тивĕçлĕ канăва тухнă хыççăн та вăл пĕр тапхăр “лав” умĕнче çирĕпех тăчĕ-ха. Ĕнерхи банкир паян тивĕçлĕ канура, килтех. Анчах вăхăта усăсăр ирттермест. Ватлăхри чун канăçне вăл тĕрĕсен тĕнчинче тупнă-мĕн. Пĕлетĕр-и, пилĕк уйăхра çеç ĕçчен кукамай-асанне 15 ÿкерчĕк тĕрлесе çакнă! Чăтăмлă хĕрарăм алла йĕппе çип тытса пĕр хускалми 18 сехет пусарăнса ларма пултарать.