06 июня 2012 г.
Патăрьелĕнчи иккĕмĕш вăтам шкулта вĕренекенсем районта иртекен ăмăртусене çеç мар, республикăра та хастар хутшăнаççĕ. Çамрăк пушарниксен команди Шупашкара ХХII слета кайса килчĕ. Унта плакатсен, çи-пуç конкурсĕсен, çăлăнăç йăлмакĕсен енĕпе тĕрĕслев витĕр тухрĕ, пулăшу парассипе, пушар сÿнтерессипе, тĕттĕм пÿлĕмрен çынна çăлассипе тата ыттипе палăрчĕ. 10 е класра вĕренекен Александр Салмин, Олег Осипов, Леонид Иванов, Артур Мулюков хăйсен пултарулăхне, спортпа туслă пулнине çирĕплетсе, 14 командăна хыçа хăварса иккĕмĕш вырăн çĕнсе илме пултарчĕç. Командăна Раççей МЧСĕн тĕп управленийĕн республикăри ертÿçин пĕрремĕш çумĕ Г.Михайлов саламларĕ, парнесемпе грамотăсем, медальсем парса хавхалантарчĕ.
В. АНТИПОВ.