14 июня 2012 г.
Районти тĕп больницăра 2010 çултанпа компьютерлă томографи кабинечĕ ĕçлет. Унта ку чухнехи паха техника вырнаçтарнă. Çавна май чире кĕске вăхăт хушшинчех тĕрĕс палăртма пулать. Пациентăн унта кĕрес тесен врачран направлени илмелле, амбулатори картти кирлĕ. 2010-2011 çулсенче томографи тĕрĕслевĕ витĕр 2777 çын тухнă. Вăл шутра 98-шĕ – ачасем. 121 пациентăн тĕрлĕ органра шыçă палăрнă. 76 çыннăн мимери юн çаврăнăшĕ улшăннă-мĕн. Çурăм шăмми чирĕ пăшăрхантараканнисем те сахалăн мар.
Йывăр çын хĕрарăмсене, хăш-пĕр чирсемпе препарат аллерги паракансене томографи витĕр кăлармаççĕ.
А. ИЛЬИН,
рентгенодиагностика уйрăмĕн заведующийĕ.