Публикации » Ывăл-хĕрĕсемшĕн – чĕререн тухакан сăмахсем

23 июня 2012 г.

СУД приставĕн тытăмĕнче ĕçлеме, çав вăхăтрах ят-сум, чыс-хисеп çĕнсе илме çăмăл мар. Ятарлă тумлисен тăтăшах саккунпа килĕшÿллĕн тĕрĕслĕхе тăрă шыв çине кăларнă ĕçе вĕçне çитермелле, парăмсене шыраса илмелле. Кирлĕ пулсан пурлăха та арестлеме тивет... Çакна пăхмасăрах районти работниксем хăйсен тивĕçне чун-чĕререн пурнăçлама тăрăшаççĕ. Ахальтен мар ĕнтĕ Чăваш Республикинчи суд приставĕн управлени ертÿçи тăрăшуллă, пултаруллă приставсем çитĕнтернĕшĕн Патăрьелĕнчи Светлана Рубцована, Шăнкăртамри Мансурпа Гульсирень Абеевсене, Турханти Геннадийпе Роза Осиповсене ятран тав çырăвĕ янă. Ашшĕ-амăшĕшĕн пысăк савăнăç!