30 июня 2012 г.
Çак кунсенче Челябинск хулинчи çар чаçĕнчен Д. Никитин салтак ашшĕ-амăшне тав çырăвĕ килчĕ. Тăван çĕр-шыва хÿтĕлеме Денис пĕлтĕрхи июнĕн 12-мĕшĕнче кайрĕ. Шупашкарти медколледж студенчĕ шкулта та сăпайлă, итлекен ачаччĕ. Çавăнпах пуль вăл хĕсметре тăнă чух та ырă ят çĕнсе илнĕ. “Ăслă, пуçаруллă, тăрăшуллă пулнăшăн, дисциплинăпа право йĕркине çирĕп пăхăннăшăн тата лайăх кăтартусемшĕн Д.Никитин рядовоя тав тăватпăр”, – тенĕ А. Крылов командир. Мĕн тери хĕпĕртерĕç маттур салтак тăванĕсем çак хыпаршăн!
Шутлă кунсем иртсе кайĕç те Денис хул-çурăмпа тĕрекленсе, тавракурăмне анлăлатса килне таврăнĕ, вĕренĕве малалла тăсĕ.
Н. КОШЕЛЕВА.
Аслă Чемен.